فيلم "يوم الدين" للمخرج أبو بكر شوقي واللي كان موجود في المسابقة الرسمية في مهرجان كان، هيبدأ عرضه في مصر من المنيا يوم 23 سبتمبر من "سكيب سينما" وتم اختيار مدينة المنيا لأنها مسقط رأس بطل الفليم الرئيسي راضي جمال، الفيلم هيعرض بحضور "راضي" اللي قال إنه مبسوط إن الفيلم هيبدأ في المدينة اللي نشأ فيه قبل باقي مصر.

الفيلم هيتم عرضه في سينمات مصر يوم 26 سبتمبر، وهيعرض لأول مرة في الوطن العربي في افتتاح الدورة الثانية من مهرجان الجونة السينمائي، ضمن المسابقة الرسمية للأفلام الروائية الطويلة. 

فيلم يوم الدين هو أول فيلم روائي طويل للمخرج أبو بكر شوقي و كان العرض العالمي الأول للفيلم قد أقيم في مهرجان كان السينمائي الدولي، حيث نافس الفيلم علي جائزة السعفة الذهبية و فاز بجائزة فرانسوا شاليه (Francois Chalais).

الفيلم بيتكلم عن "بشاي" وهو رجل شُفى من مرض الجذام لكن مازال يحمل آثار المرض بجسده، وعايش في مستعمرة وبدأ بعد وفاة مراته في رحلة عشان يدور على أهله ويكتشف الحياة خارج المستعمرة بصحبة حماره والصبي النوبي اليتيم "أوباما".