جامعة كامبريدج البريطانية بتستضيف معرض جديد فيه صور بتتعرض لأول مرة للمصور هاري بورتون اللي انفرد بتصوير أعمال الحفر لاكتشاف المقبرة سنة 1922، ووقتها قدر المصور ياخد أكتر من 3400 صورة لكنوز اكتشفها عالم الآثار البريطاني هاوارد كارتر.

الصور بتوضح إن شارك في الحفر حوالي 100 راجل وصبي وفتاة من أهل القرية ورفعوا الأنقاض، وده بحسب الجامعة بيثبت الإسهامات المصرية في الاكتشاف.

الصور كمان بتشمل رحلة صناديق الاكتشافات تحت حراسة من المجرى الملاحي النهري للقاهرة اللي استغرقت يومين، وصور للقناع الذهبي لتوت عنخ آمون، اللي ليه أكتر من 20 صورة، بعد ما فضل المكتشفين أسابيع يشيلوا من عليه مادة الراتينج الصلبة اللي كانوا بيحطوها على المومياء في مصر القديمة.

المعرض مستمر لحد يوم 23 سبتمبر الجاي بدعم من الأكاديمية البريطانية وجامعة إيست أنجيليا ومعهد غريفث بجامعة أوكسفورد، ومفتوح مجانًا للجمهور.