الفيوم مؤخرًا بقى ليها نصيب من السياحة الداخلية في مصر، ومبقاش الموضوع مقتصر على السبع سواقي، لكن الناس بقت تسافر مخصوص علشان قرية تونس والخزافين والفخار اللي هناك، والمناظر الطبيعية الجميلة، القرية اللى بتشتغل كلها تقريبًا في صناعة الخزف، هتعمل مهرجان قرية تونس للخزف والصناعات اليدوية للمرة السابعة السنة دي من 19 أكتوبر لـ21 أكتوبر.

المهرجان بيضم فنون كتير، وبينظمه المجلس التصديري للصناعات اليدوية وغرفة صناعة الحرف اليدوية بالتعاون مع بنك الإسكندرية وجمعية خزافي قرية تونس. المهرجان كمان هيكون فيه أنشطة سياحية مختلفة، زي السياحة البيئية وسياحة السفاري، وشركة إنتركونتينتال للسياحة هي الراعي الرسمي للرحلات دي وتنظيمها.

ممكن تقضي يوم واحد في قرية تونس بـ240 جنيه للفرد، أو تقضي يوم شامل زيارة وفطار وتزحلق على الرمال وجولة بالفلوكة، أما بقى لو هتبات، فالأسعار حسب مكان الإقامة، بداية من التخييم أو تبات في فندق في قرية تونس، ممكن تعرف أكتر عن التفاصيل والأسعار من الايفنت على الفيسبوك

أو تكلمهم على 01021207766 أو 0227371501 و 0227371502 وممكن تبعت على res@intercontinental-travel.com