على الرغم من إن الدعوة مش رسمية من الحكومة المصرية، لكن "وليد البطوطي"، مستشار وزير السياحة المصري قال في تصريح في التليفزيون، إن في مفاوضات حاليًا مع النجمة المكسيكية ذات الأصول العربية "سلمى حايك"، وقال إن مهندسة مصرية شابة -ربنا يباركلها- بدأت المبادرة دي، وناوية تعمل أكبر إيفينت يحضره نجوم من كل أنحاء العالم، وإن سلمى حايك من الشخصيات اللي تمت دعوتهم بالفعل، وحاليا بيناقشوا مع فريق عملها تفاصيل جدولها، وأضاف إن في ممثلين فرنسيين وأجانب تمت دعوتهم بالفعل.

سلمى حايك مش هتبقى الشخصية المشهورة الوحيدة اللي زارت مصر خلال الفترة اللي فاتت، سبقها ويل سميث وميسي ومورجان فريمان.