قائمة العربيات الأكثر مبيعًا في السوق المصري في أول أربع شهور من سنة 2018 صدرت عن مركز معلومات سوق السيارات "أميك"، وفيها أول عشر عربيات المصريين أقبلوا على شرائهم

1) نيسان صني

تعتبر نيسان صني 2018 واحدة من العربيات الاقتصادية في سعرها واستهلاكها للبنزين، وبتتميز بجودة الخامات وده بيخليها في منافسة قوية مع فئتها من "هوندا ستي 2018، هيونداي أكسنت 2018، كيا ريو سيدان 2018، وتويوتا يارس سيدان 2018".

2) هيونداي فيرنا

العربية فيها موتور 1600سي سي، بقوة بتصول لـ 105/5800 حصان لكل لفة، وسعة تخزين البنزين بتوصل لـ تصل 45 لتر.

عدد كبير من مُلاك فيرنا 2018 اشتكى، من من ارتفاع استهلاك البنزين، فكل 10 كيلو متر بيستهلكوا لتر بنزين،  من غير تشغيل التكييف، وده أعلي من الاستهلاك الطبيعي. كمان اشتكوا من علو صوت الموتور بدرجة تخليه ظاهر. و "الشاكمان" بيحتك كتير بالمطبات.

3) شيفروليه أوبترا

بتتميز شيفروليه أوبترا 2018 بموتور سعة 1.5 لتر، رباعي الأسطوانات بقوة 110 حصان، والسرعة القصوى للعربية 170 كيلو متر في الساعة.

وفيما يخص عيوب شيفروليه أوبترا 2018، فـ مُلاكها اشتكوا من ضعف ثبات العربية مع السرعات العالية، وإن عزل العربية ضعيف.

4) نيسان سنترا

نيسان سنترا 2018 فيها محرك سعة 1600 cc، مع 4 سلندر.

وبتعتمد العربية دي على نظام موفر للبنزين، فـ بتستهلك حوالى 9 لتر لكل 100 كيلو متر، وده معدل كويس للاستهلاك.

5) هيونداي توسان

عربية هيونداى توسان 2018، موتورها سعة 1600 سى سى و4 سلندر.

أما عن عيوب العربية، فأول حاجة استهلاكها المرتفع نسبيًا للبنزين، 7.6 لتر لكل 100 كيلو متر، كمان قوة الموتور أقل من منافستها "كيا سبورتاج".

6) تويوتا كرولا

واحدة من العربيات الأكثر مبيعًا في العالم، بس عيوبها هي انخفاض جودة المواد المستخدمة في المقصورة الداخلية، وموتورها قديم بالقياس مع منافسيها. فـ هي لسَّه بتستخدم محرك 1.8 لتر 4 سلندر.

7) إلنترا AD

تُصنف كواحدة من العربيات الاقتصادية، فـ استهلاك بنزينها نسبيًا قليل، وموتورها متكون من 4 إسطوانات بسعة 1.6 لتر، وقوة 127 حصان.

8) رينو كادجار

بتتميز رينو كادجار 2018 بموتور سعة 1200 سي سي "تربو"، بـ 4 سلندر، وأقصى سرعة للعربية 192 كيلو متر فى الساعة، وسعة خزان البنزين 55 لتر.

العربية بتستخدم بنزين 92، ومتوسط الاستهلاك 5.7 لتر فى كل 100 كيلو متر.

9) كيا سيارتو

موتورها قوي، 1600 سى سى و 130 حصان، والسرعة القصوى ليها 180 كيلو متر في الساعة.

بتتميز كيا سيراتو 2018، بانخفاض استهلاكها من البنزين، بتستهلك 5.5 لتر لكل 100 كيلو متر، وسعة خزان البنزين 50 لتر

10) ميتسوبيشي لانسر

العربية موتورها قوى بتوصل سعته 1600 سي سي، وقوته 117 حصان.