قدر البطل المصري "صدام كيلاني" يكسر الرقم القياسي لأطول غطسة في الشرق الأوسط، وحقق 100 ساعة و20 دقيقة غطس، وسط احتفال وتشجيع كبير من مدينته دهب، صدام مدرب غطس عنده 28 سنة، خريج كلية سياحة وفنادق، استعد لمدة 8 شهور عشان يقدر يحقق الرقم القياسي الجديد، قدر فيهم يعمل بالفعل أطول غطسة في الشرق الأوسط 76 ساعة، وهو الرقم اللي كسره امبارح.

صدام كان بياكل ويشرب ويلعب تحت المياة طول فترة الغطس، وكان الهدف هو الوصول ل 120 ساعة، لكن الدكاترة نصحوه بالخروج بعد 100 ساعة للحفاظ على سلامته بعد ما جسمه ابتدى يبرد رغم كل محاولات مساعديه الحفاظ على درجة حرارة جسمه.

لكن استمراره لمدة 100 ساعة بأقل الإمكانيات خطوة عظيمة ناحية تحقيق حلمه في أطول غطسة في التاريخ.