مهرجان تورنتو هو واحد من أهم المهرجانات السينمائية في العالم، هيشارك فيه السنة دي الفيلم الروائي الطويل "الشيخ جاكسون" للمخرج عمرو سلامة، وبطولة أحمد الفيشاوي وأحمد مالك، وهيشارك كمان فيلم مصري قصير اسمه "خمستاشر". 

خمستاشر هو أول فيلم قصير للمخرج سامح علاء، أنتج الفيلم بالكامل ذاتيًا، وكان تجربة جديدة كل اللى اشتغلوا فيه، حتى إن البطل الرئيسي للفيلم كان أول دور يمثله، والفيلم كله اتنفذ ارتجالي من غير نص محفوظ. خمستاشر، مدته حوالي 11 دقيقة عن معاناة طفل مصري في الصيف، هو أول فيلم مصري قصير يتم ترشيحه في مهرجان تورنتو السينمائي للعرض هناك.