دراسة: ستات مصر اكتشفوا وسايل منع الحمل من أيام الفراعنة
في دراسات صادرة من مركز المرأة بمحافظة الأقصر، بتقول إن الست المصرية الفرعونية كانت ممكن تعرف أسرار كتير عن عملية الحمل والإنجاب -اللي الدكاترة بيفضلوا سنين يدرسوها في كلية طب- في عصر الفراعنة عشان الست تعرف هي حامل أو لا، كانت بتقعد على خليط من بخار الزيت والبخور والتمر والجعة، لو تقيأت فهي حامل أو على وشك الحمل، وإذا لم تتقيأ فهي عاقر.
وكانت الوسيلة الطبية لمنع الحمل في الوقت ده، بتتكون من ملح النطرون وروث التمساح واللبن الرائب والألياف النباتية. وكانت الست بتعرف نوع الجنين لما بتتبول على حبات من نباتي القمح والشعير، لو القمح كبر الأول فالجنين بيبقى أنثي، ولو الشعير هو اللي كبر وزرّع الأول فالجنين بيبقى ولد.