ماراثون مدرسة العائلة المقدسة -الجزويت- بدأ، فى دورته الـ 22، يوم الأحد وهيستمر للأربعاء، وشارك فيه 120 طالب بالتعاون مع وزارة الشباب والرياضة. وهو عبارة عن رحلة بالعجل من القاهرة للغردقة، وهيشارك فيه عدد كبير من لاعبين رياضة ركوب العجل وعلى رأسهم ياسين الزغبي، بطل مصر في العجل وأيقونة مؤتمر الشباب.

الماراثون بيتعمل كل سنة من 1995، وكانت أول دورة من القاهرة للإسماعيلية بس. وفى سنة 2012 اتنقل الماراثون من القاهرة للعين السخنة، وفي دورة السنة دي الرحلة هتبقى من القاهرة للغردقة. هدف الماراثون الأساسي هو توجيه رسالة للعالم كله بإن مصر، رغم كل الحوادث الإرهابية، لسّه بلد الأمن والأمان. إلى جانب دعم الشباب لاكتشاف صحراء مصر والاستمتاع بمناخها الجاذب للسياحة.

الـ 120 طالب وطالبة متقسمين لقسمين، الفوج الأول متكون من 75 طالب في أولى ثانوي، بتنتهي رحلتهم في العين السخنة وبعدين يرجعوا القاهرة تاني يوم. الفوج التاني متكون من 45 طالب في تانية ثانوي، هتخلص رحلتهم في الغردقة، وفي خلال الرحلة هيمروا على رأس غارب و يباتوا فيها مع زمايلهم من الفوج الأول عشان ينقلوا خبراتهم ليهم ويجددوا عزيمتهم.