الملك السعودي سلمان بن عبد العزيز أصدر مرسومًا ملكيًا بيسمح للسيدات بقيادة السيارة داخل المملكة. الوكالة الرسمية السعودية قالت إن مجلس الوزراء هيحضر تقارير خلال شهر، علشان يطبقوا الأمر الملكي في يونيه 2018. المملكة العربية السعودية هي البلد الوحيدة اللي اللي بيفرض حظر على سواقة السيدات للسيارات.

السعوديات على مدار سنين كانوا بيقوموا بحملات علشان يتسمح ليهم يطلعوا رخص ويسوقوا جوّه المملكة، بعض السيدات كانوا بيتعرضوا لعقوبات بتوصل للسجن علشان بيتحدوا قرا منع القيادة للنساء داخل المملكة، بس خلاص كل ده دلوقتي خلص.