النائب العام السعودي أمر بالقبض على شاب سعودي اسمه "سامي الزهراني"، بعد ما نشر الأخير فيديو مصوَّره لنفسه وهو بيتحرش بعاملة منزلية.

الفيديو انتشر على مواقع التواصل الاجتماعي، وطالب سعوديين كتير من خلال هاشتاج "نطالب بالقبض على سامي الزهراني"، بالقبض على "الزهراني"، بحجّة إن الفيديو بيدعو للرذيلة. دي مش المرَّة الأولى اللي يعمل فيها "الزهراني" كده، فـمن سنة نزِّل برضه فيديو ليه وهو بيتحرش بعاملة قدام الكاميرا، بس الأخيرة نهرته.

ناشطين تانيين شايفين إن "الزهراني" مريض نفسي ومحتاج علاج مش عقاب.