أعلنت الأوكرانية "أنا موزيتشوك"، بطلة العالم في الشطرنج، إنها رافضة تشارك في منافسات بطولة العالم للشطرنج اللي بتتعمل السنة دي في السعودية، ودي الحاجة اللي هتخليها تخسر اللقبين اللي أخدتهم، كاحتجاج على القوانين السعودية المرتبطة بوضع المرأة، وإن المرأة بتتعامل في السعودية كمواطن درجة تانية.

وكتبت بوست على صفحتها في فيسبوك، إنها قررت ما تسافرش السعودية، لإنها مش عايزة القوانين السعودية تجبرها تلبس عباية، أو تبقى ملزمة تخرج مع مرافق في الشارع، باختصار مش عايزه أحس إني مواطنة درجة تانية.

اللجنة المنظمة للمسابقة كانت أعلنت إنها إدت إذن للسيدات اللي بيشاركوا في البطولة إنهم ما يلبسوش الحجاب، لكن ألزمتهم يلبسوا حاجات معينة، وهي بنطلون أزرق أو أسود وقميص أبيض يغطي الرقبة، البطلة العالمية كملت كلامها وقالت إنها جاهزة للصراع عشان مبادئها، وإنها رفضت دعوة المشاركة في البطولة، لكن أكتر حاجة مضايقاها وأحبطتها هو إن مافيش حد مهتم باللي بيحصل هناك

آنا موزيتشوك كانت فازت ببطولة العالم للشطرنج السريع، وحافظت على لقبها في منافسات الحرب الخاطفة، وده نوع من اللعبة متحدد بوقت وبيفوز فيه اللي يقدر يغلب الشخص اللي قدامه خلال 10 دقايق.

'I am ready to stand for my principles': Double world chess champion Anna Muzychuk, who won her titles in Qatar, says she won't defend titles in Saudi Arabia because of kingdom's gender inequality. She stands to lose a financial prize too. https://t.co/oI4kUs58Xw

— Hend Amry (@LibyaLiberty) December 27, 2017