منطقة "مثلث ماسبيرو" هي منطقة تبع حي بولاق أبو العلا في محافظة القاهرة، هيتم إخلاءها تمامًا عشان تدخل ضمن خطة المحافظة للتطوير والقضاء على العشوائيات، لكن سكان المثلث بعد محاولات كتير إنهم يفضلوا في مكانهم وخناقات مع الحي، قرروا ينظموا حفلة يودعوا بيها منطقتهم اللي اتربوا فيها.

الأهالي قالوا إنهم عملوا الحفلة دي عشان يتصوروا لآخر مرة في المكان، واتمنوا إنهم يرجعوا بسرعة لمكان ولادتهم اللي عاشوا فيه حياتهم كلها، الخطة بتقول إن الأهالي هيرجعوا بعد 3 سنين تاني وفي نفس الوقت قال اللواء ابراهيم عبدالهادي رئيس حي بولاق أبو العلا، إنه تم نقل حوالي 92% من سكان مثلث ماسبيرو، وإن المحافظة حددت مبالغ تصرف لأهالي المنطقة لحد ميعاد رجوعهم.

 الصور من جريدة منطقتي تصوير أحمد حامد