وافق مساعد وزير الصحة لشئون الطب العلاجي، الدكتور"أحمد محي القاصد"، على اتخاذ 3 إجراءات جديدة وخاصة بإصدار قرارات العلاج على نفقة الدولة.

القرار الأول إنه يتم إصدار العلاج على نفقة الدولة لمرضى الفشل الكلوى هيبقى سنة بدل 6 شهور. والقرار التاني إن مرضى القلب اللي هيركبوا "القسطرة التشخيصية" هيتوفر ليهم كمان إمكانية تركيب دعامات "إذا لزم الأمر وموافاة المجالس الطبية بتقرير يتضمن نوع وعدد الدعامات التى تم تركيبها فيما بعد". أما القرار التالت عبارة عن زيادة قيمة العلاج الدوائى لمرضى الفشل الكلوى بنسبة 50%، ودي نفس الزيادة اللي حصل عليها كل مرضى الأمراض المزمنة.

وأعلنت وزارة الصحة والسكان، في بيان ليها عن إصدار 132 ألف و21 قرار للعلاج على نفقة الدولة، في محافظات الجمهورية المختلفة، بتكلفة وصلت لـ 424 مليون و463 ألف جنيه، وده خلال الفترة من 9 يونيو اللي فات لحد 5 يوليو الجاري.