خلال أقل من شهر، يموت بسبب لعبة "الحوت الأزرق" - Blue Whale طفل جديد في الجزائر، بعد ما انتحر طفل عنده 9 سنين، لما وصل لآخر مرحلة في اللعبة واللي بتطلب منه فيها يقتل نفسه. الطفل الجزائري لف حبل حوالين رقبته في الحمام، وشنق نفسه، الحادثة دي مش الحادثة الأولى في الجزائر، لإن مات قبلها الطفل "محمد أمين" منتحر برضه لنفس السبب.

اللعبة منتشرة جدًا في الجزائر خصوصًا وسط الأطفال، وده اللي خلى المنظمة الجزائرية لأولياء أمور الأطفال يراسلوا جوجل، عشان يمنعوا اللعبة دي، واللي بتهدد حياة ولادهم بشكل مستمر، لكن رئيس المنظمة بيقول إن ماحدش استجابله، وعشان كده بيطالب السلطات الرسمية بحظر اللعبة دي في الجزائر، عشان يتفادوا تأثير الألعاب دي على حياة الأطفال وسلوكهم.

احنا حاولنا نوصل للعبة على Google Play بس ما لقناش الأبليكشن ولقينا لعبة عكسها Anti Blue Whale Challenge، فيها نصايح جميلة، وأكيد معمولة كرد على اللعبة الأصلية، نتمنى تكون اللعبة اتمنعت فعلا. اللعبة مش منتشرة في الجزائر بس، 2016 انتحر بسببها 120 طفل في روسيا لوحدها، ومع الأسف مش عارفين أعداد المنتحرين الفعلية بسبب اللعبة حوالين العالم.

 

What is the #BlueWhalechallenge and how is it connected to the deaths of teenagers? #bluewhale #teensuicide #suicide

A post shared by Gulf News (@gulfnews) on Aug 28, 2017 at 7:07am PDT

ده فيديو على يوتيوب لمجموعة من أخطر التحديات في اللعبة.