"لا تقترب مني وإلا ستنفجر معي" دي اليافطة اللي رفعتها ست في الكويت في واحد من الأسواق الشعبية والتراثية الزحمة جدًا، وبعد رعب من الناس وخوف من الانفجارات تم القبض على الست دي اللي اكتشفت الشرطة إنها متملكش أي مواد متفجرة. 

وبينت التحقيقات إن الست دي مطلقة في العقد الثالث من عمرها، وبتعاني من أمراض نفسية، وكانت عايزة توصل رسالة للمجتمع عن وضع المطلقات في الكويت، لأنها مش قادرة تلاقي سكن ليها هي وأولادها، لأن أصحاب العمارات بينظروا للمطلقات إنهم أقل من باقي المجتمع وبيرفضوا تسكينهم.