من يوم 13 أكتوبر 2016، نشرت شركة M.S. Rau Antiques الأمريكية لبيع التحف والأنتيكات، فيديو بتوضح فيه محتويات غرفة الملك فاروق وتاريخ صنعها، وعرضها للبيع مقابل حوالي مليون دولار. 

الغرفة دي اكتشفوا اختفاءها سنة 2013 من الاستراحة الملكية في جنينة الحيوانات في الجيزة، بعد ماكان الدكتور أيمن أبو حديد، ووزير الزراعة وقتها، بيعمل جولة في حديقة الحيوان واكتشف إن غرفة الملك فاروق مش موجودة، وإنها تم استبدالها بغرفة تانية صناعة محلية اشتروها من عمر أفندي. 

جريدة الأهرام نشرت تفاصيل القصة وقالت إن الاستراحة مقفولة تمامًا من 1986 بعد إقامة وزيرين متتالين فيها. واختفت الأوضة بعد ما اعترضت زوجة واحد من الوزيرين وطلبت تغيير عفش الأوضة، وتم تخزين غرفة الملك فاروق في مكان تاني محدش عرف هو فين، لحد ما تم اكتشاف اختفاءها.