صندوق النقد الدولي طلب من مصر إنها ماتجمدش خطة زيادة أسعار الوقود لغاية العام المالي الجي، يعني ما بعد يوليو 2018. الصندوق قال في تقريره إن مصر عملت إصلاحات مهمة في مجال دعم الطاقة، لكن لسه في حاجات أكتر المفروض تتعمل. خبراء الصندوق شايفين إن التزام مصر برفع الدعم عن الوقود في 2019 حاجة كويسة، لكن تأجيل الزيادة لغاية 2018 - 2019 حاجة خطرة، بسبب احتمالية ارتفاع أسعار البترول وأسعار الصرف.

ورغم إن وزير المالية، عمرو الجارحي، تعهد إن مافيش زيادات تانية السنة دي، الصندوق نشر في وثيقة، تعهد من الحكومة المصرية، إن وزير البترول هيعرض على رئاسة الوزرا آلية لتعديل أسعار المواد البترولية بشكل أوتوماتيكي علشان تتناسب مع الزيادات في السعر العالمي. الصندوق شايف إن سبب من الأسباب اللي خلت رفع الزيادة مرتين مش كفاية، هو تعويم الجنيه، رغم إن البنزين زاد مرتين في سنة واحدة.