في امتحان النقل لطلاب أولى ثانوي في بني سويف، اتفاجئ الطلاب بوجود خريطة في السؤال الأول مكتوب فيها إن حلايب وشلاتين موجودة جوا حدود السودان مش مصر. اتقدم الطلبة بشكوى لمسؤولي التربية والتعليم عشان يحققوا في الواقعة، فقرر وكيل الوزارة في المحافظة، "محمد حسام الدين" مجازاة موجه الدراسات الاجتماعية وخصم 3 أيام من مرتبه، وفتح تحقيق موسع مع موجهي الدراسات.

الموجه اللي حط الامتحان قال خلال التحقيقات إن الخطأ كان في عملية طبع الورق بس.