العالم كله بيتعلِّم ازاي يتعامل مع الاختلافات ويتقبَّل أصحاب الديانات والمعتقدات المختلفة، بناءً عليه، اختارت شركة مستحضرات تجميل فرنسية عالمية في ماليزيا والعالم، أول سفيرة محجبة ليها في ماليزيا. "نور نيلوفيا مهد" اللي اختاروها كسفيرة، هي في الأصل مقدمة برامج، عندها 28 سنة، وبلَّغت المتابعين بتوعها -وهما 1.4 مليون على تويتر و2.2 مليون على فيسبوك- بالخبر عن طريق انستجرام. وبكده انضمت لليستة سفراء الشركة زي جوليا روبرتس وكيت وينسلت.

بالمناسبة دي مش تجربة "نور" الأولى في الدعاية للأزياء، هي في الأصل الوجه الدعائي لشركة حجاب نيلوفار للأزياء اللي مملوكة لعائلتها أصلًا، واللي بقت خلال سنة وشوية من أكبر العلامات التجارية الماليزية للحجاب وقريب هيصدَّروا أعمالهم لخارج ماليزيا.