فيسبوك طلب من المستخدمين بتوعه يبعتوله صور عريانة، عشان سبب "نبيل". "الجارديان" البريطانية نشرت إن كتير من اللي بيستخدموا الفيسبوك، بيبعتوا صور حميمية وعريانة للناس اللي مرتبطين بيهم، وده بيخليهم خايفين إنه يتم استغلال الصور ضدهم بعد كدة ويتم ابتزازهم بالصور دي.

فعشان يحلوا الموضوع ده، طلبوا من الناس يبعتولهم صورهم العريانة عشان فيسبوك يحولها لبصمة رقمية  ويمنع نشر أي صورة مشابهة ليها. الجريدة البريطانية قالت إن فيسبوك بيختبر التكنولوجيا دي دلوقتي في أستراليا بالشراكة مع وكالة حكومية هناك، وهتسمح لضحايا الصور العريانة إنهم ياخدوا إجراءات قبل إعادة نشر صورهم على فيسبوك أو انستجرام، أو ماسنجر، أو حتى واتساب.