صهيب محمد، شاب مصري فاز بالمركز الأول في مسابقة "igloo"، ودي اللي بتتعمل سنويًا في روسيا، وبيكسبها أحسن واحد بيقدر يبني كهف في التلج. صهيب قدر يبني كهف فوق قمة جبل ورفع عليه علم مصر. موقع "مصراوي" اتكلم مع صهيب، اللي قال إن أصعب حاجة مر بيها، كانت البرد والجو في المناطق دي.

أصعب جزء في بناء الكهف هو السقف بتاعه زي ما صهيب بيقول، وده لإنه محتاج تصميم هندسي، لكن ساعده في الخطوة دي إنه دارس هندسة معمارية، وبنا الكهف كله اللي بيحتاج من 5 ل 6 ساعات، وبيكون الهدف إنه يقضي ليلة جواه، وده اللي حصل فعلًا مع صهيب والفريق بتاعه، اللي قضوا ليلتين جوه الكهف.