وافق مجلس النواب المصري امبارح على تعديل قانون القيمة المضافة، ده أدَّى لزيادة الضريبة على التبغ ومنتجاته وتوسيع الشرايح الضريبية لأسعار بيع السجاير. تضمن مشروع القانون زيادة الحد الأقصى للشريحة الأولى من السجاير، عشان تبقى 18 جنيه بدل 13 جنيه. والتانية تبقى 30 جنيه بدل 23 جنيه، أما الشريحة التالتة هتشمل أنواع السجاير التي بيزيد سعرها في الأساس عن 30 جنيه.

وأكد وزير المالية المصري "عمرو الجارحي"، إن الإجراء بيتوافق مع المعايير الدولية الخاصة بالضرايب على التبغ والسجاير، وفي الوقت نفسه بيستجيب لتوصيات منظمة الصحة العالمية اللي بتأكد فاعلية زيادة الضريبة القطعية وتأثيرها الإيجابى على نسب استهلاك منتجات التبغ.

الحكومة كمان بتستهدف تحصيل إيرادات ضريبية من السجاير والتبغ بقيمة 54.545 مليار جنيه في السنة المالية الحالية اللي بدأت أول شهر يوليو. "الجارحي" قال إن زيادة ضرائب السجائر اللي أقرها مجلس النواب، هترفع إيرادات مصر حوالي 4 مليار جنيه (226.4 مليون دولار).

مشروع القانون لسّه في انتظار موافقة الرئيس والنشر في الجريدة الرسمية عشان يبدأ يتنفذ، بس في حالة زيادة الأسعار بنفس قيمة زيادة الضريبة، هتبقى الأسعار كالتالي:

كليوباترا سايز: 12.25 بدل 11.25

كليوباترا كوين: 13.25 بدل 12.25

كليوباترا سوبر: 15.75 بدل 15

فايسروي: 18.75 بدل 18

إل إم: 25.25 بدل 24

مارلبورو:31.25  بدل 30

ميريت: 31.25 بدل 30