إيهاب عبد الرحمن، بطل مصري في ألعاب القوى، وكان واحد من اللي المصريين متعشمين فيهم في أوليمبيات ريو 2016، لكن اتوقف قبل بداية البطولة بسبب إيجابية عينة المنشطات بتاعته، وأخد إيقاف لمدة سنتين. إيهاب قرر يستأنف ويدور على حقه، فقال خلاص أنا هشتكي في المحكمة الدولية. المحكمة الدولية شافت استئناف إيهاب وقررت تخلي الإيقاف 4 سنين مش سنتين.

الدكتور أسامة غنيم، المدير التنفيذي لمنظمة مكافحة المنشطات المصرية "نادو"، قال إن المحاكمة الدولية اللي لجأ ليها عبد الرحمن، أقرت عقوبة 4 سنين بدل من سنتين. إيهاب لقوا في العينة بتاعته هرمون ذكوري، وعليه كان القرار بإيقافه.