• اكتب معانا
  • ماتنسناش
  • تابعنا
الموضوع اللي جاي
الآيس كريم طلع بطاطس مهروسة: الـ Food stylists بيحكوا عن خدع تصوير إعلانات الأكل
الموضوع اللي فات
سجن وغرامة في قانون المرور الجديد للي هيعلم السواقة بدون ترخيص

المدارس التجريبية في مصر هتتلغي من أول 2019

الدنيا اتقل خيرها

قال وزير التعليم "طارق شوقي" إن المدارس التجريبية هيتم إلغاءها بداية من الطلاب الملتحقين بالصف الأول الابتدائي للعام الدراسي 2019-2020.، وهتقتصر الدراسة باللغات على المدارس الدولية والخاصة اللغات.

وأكد، خلال مؤتمر صحفي عقده في صندوق دعم وتمويل المشروعات التعليمية بالجزيرة، إنه مافيش أى دولة فى العالم تدرس بدون لغتها، والوجاهة الاجتماعية إن الطالب يرطن عربى مش إنجليزى، وقال: "هنعلم طلاب لغة عربية وهنديهم تعليم جيد وهنافس المدارس الخاصة، والكتب هتتكتب فى أول 6 سنوات بالعربى".

الوزير أكد إن الطالب هيتعلم إنجليزى فى النظام الجديد أحسن من الحالي، والوزارة مع مدارس اللغات، وكمِّل:"سيتم تطبيق التعليم بلغة الدولة.. واللى عايز يدرس بالفرنساوى يروح يعيش بره"، وعلل القرار بإن المنهج بفلوس وعندنا 5 آلاف مدرسة عايزه تترجم المنهج بالعربى ودي فاتورة تدفعها الدولة. 

واختتم كلامه بإن: "بدءًا من الصف الأول الإعدادى سيتم تدريس العلوم والرياضيات باللغة الإنجليزية لجميع المدارس الحكومية الرسمية والخاصة، وفي الصف الرابع سيتم التأكد من أن الطالب ضليع فى اللغة العربية".

Home
خروجات النهاردة
Home
Home