بسبب ابنه اللي كان مكسوف من مهنة أبوه وبيطلب منه إنه يسيبها، قرر وليد مكرم، صاحب صالون حلاقة في مدينة مغاغة محافظة المنيا، إنه يعمل حاجة تخلي الناس كلها تتكلم عنه، وقرر إنه يرسم وشوش المشاهير على راس الزباين بتوعه. بدأ وليد بصور كاظم الساهر، أم كلثوم، وأحمد حلمي، بس الرسمة اللي خلت كل الناس تتكلم عنه، كانت صورة محمد صلاح، اللاعب المصري المحترف في نادي ليفربول الإنجليزي.

"العربية.نت" اتكلموا مع "وليد"، اللي قال إنه بيرسم على رؤوس الزباين باستخدام قلم أبيض ورسام محترف بيرسمله الصورة، بعد كده هو بيتدرب عليها ويرسمها على راس الزبون حسب الطلب، وبعد ما تخلص الرسمة بيقص الشعر علشان وش صلاح يبان. "وليد" مش بياخد أي فلوس زيادة على الرسم، واللي عاوزين يرسموا على راسهم مش بيدفعوا أكتر من سعر الحلاقة اللي بيدفعوه دايمًا. "مكرم بيأكد إن ابنه فخور بيه دلوقتي وبيحكي لكل صحابه على عن الرسومات اللي أبوه يقدر يعملها.