الأزهر هيعمل قناة فضائية غير دينية
أعلن الدكتور "عباس شومان" وكيل الأزهر الشريف، عن إطلاق قناة فضائية غير دينية قريبًا، واللي هيديرها ويشرف عليها هو الأزهر الشريف، وقال في لقاء تليفزيوني مع معتز الدمرداش على قناة النهار، إن القناة مش هتبقى دينية فقط لكن هتبقى عامة، وهيبقى فيها كل البرامج بما فيها التوك شو وبرامج الأطفال والأخبار، لكن بمصداقية الأزهر
وقال إن القناة هتطلع من مقر المشيخة مش من مدينة الإنتاج الإعلامي، عشان يستفيدوا من كل قيادات الأزهر الشريف اللي أغلبهم كبار في السن، وهيبقى صعب عليهم إنهم يروحوا كل يوم مدينة الإنتاج الإعلامي اللي هي بعيد جدا عن مشيخة الأزهر، وقال إن القناة هتبقى في البداية باللغة العربية لكنها هتبقى بلغات مختلفة مع الوقت عشان تحقق أكبر انتشار
