النهاردة الخميس 1 فبراير، الدكتورة إيناس عبدالدايم وزيرة الثقافة، أعلنت انطلاق وإعادة تشغيل المكتبات المتنقلة تاني، المكتبات المتنقلة هتتحرك من عند حديقة الأزهر لحي الأسمرات، وفيها كتب قيمة للأطفال والكبار وهتفضل هناك لحد يوم 8 فبراير وبعد كده تبدأ جولتها في القاهرة الكبرى، في إطار خطة الوزارة لتحقيق العدالة الثقافية بين كل المواطنين. 

المشروع ده جزء من تعاون بين دار الكتب والوثائق القومية وهيئة قصور الثقافة، وجمعية مصر الجديدة. وقالت إيناس عبدالدايم، إن المشروع هيقضي على فكرة الجزر المنعزلة للأحياء المصرية اللي مافيهاش ثقافة واللي سبب في عوائق كتير ومنع مشروعات ثقافية مهمة. كل اللي هتقدمه المكتبات دي هيكون بالمجان، وكمان هيوزعوا نسخ من كتب معينة للتشجيع والتحفيز على القراءة، وهيئة قصور الثقافة هتعمل عروض فنية ومعارض وورش للحرف التقليدية والرسم والتلوين مع مسابقات فنية وثقافية للأطفال والشباب، واللي هيكسب فيها هياخد جوايز كتب.

الصورة الرئيسية من موقع اليوم السابع.