الرحالة محمد المصري، سافر مسافة 800 كيلو على العجلة بتاعته، ووصل لمدينة الأقصر، في إطار دعمه للسياحة بالمحافظة وكمان دعمه لمستشفى الأورام، حسب بيان صادر عن المستشفى. "المصري" قال: "الدعم مش بس فلوس وتبرعات، الدعم الصحيح لأي صرح طبي بيخدم مرضى السرطان بالمجان في أي مكان في مصر، هو الصورة الحلوة والضحكة البريئة من مريض بيتم خدمته في المستشفى، الدعم الحقيقي هو نقل الصورة طبيعية كما هي للجميع".

المصري وصل للأقصر بعد 15 يوم من انطلاقه من مدينة بسيون بمحافظة الغربية وبكده يكون قطع مسافة أكتر من 800 كيلو متر. "المصري" أكد إنه لما وصل الأقصر كان مقرر يروج للسياحة من خلال زيارته للمعابد، وكمان يزو المستشفى اللي شايف إنها ماتقلش عن أي معابد من المعابد وبتقوم بدور كبير في خدمة المجتمع المصري.