العميد خالد الحسيني، المتحدث باسم شركة العاصمة الإدارية الجديدة، قال إن الشركة تلقت لغاية دلوقتي حوالي 50 طلب من سفارات وقنصليات وجهات دبلوماسية، عاوزين يشتروا أرض في الحي الدبلوماسي بالعاصمة الجديدة. "الحسيني" قال لموقع "مصراوي" إن الشركة بتستعد عشان تستقبل الدفعة التانية ن طلبات الجهات الدبلوماسية والسفارات، وأكد إن مافيش إلزام للجهات دي بالحصول على أراضي في العاصمة الجديدة.

حسب "الحسيني"، سعر المتر داخل حي السفارات بيوصل لـ400 دولار، وفي شهر أكتوبر اللي فات تم تنظيم جولة لمعظم الوفود الأجنبية والجهات الدلوماسية في مصر داخل مشروع العاصة الإدارية والوفود انبهرت بحجم المشروع، حسب كلامه. حي السفارات في العاصمة الإدارية مقسم بنماذج مختلفة، بتبدي مساحتها من 2 فدان وبتوصل لـ24 فدان وكل سفارة أو قنصلية تقدر تشتري اللي يناسبها.

مساحة حي السفارات في العاصمة الجديدة، بتوصل لـ 1600 فدان، والهدف منه الحفاظ على أمن السفارات، وإبعاد البعثات الدبلوماسية عن الاحتكاك بالشوارع.