الدكتور محمد عبد العاطي وزير الموارد المائية والري، أكد في مؤتمر صحفي إن دلتاوات الأنهار المنخفضة من أكتر المناطق فى العالم عرضة لمخاطر التغيرات المناخية وارتفاع منسوب سطح البحر، وأشار لإن إفريقيا تعتبر من أكتر المناطق عرضة للتغير المناخي.

وأوضح عبد العاطى إن أكتر من 95٪ من مساحة مصر صحراء، وهى من أكتر بلاد العالم جفافًا، وإن نقص المياه المتجددة بــ 2% هيؤدي لفقدان 200 ألف مزارع لعملهم. ودول يعتبروا من أقل الطبقات دخلًا وده هيؤدي لارتفاع معدلات البطاقة.

وأكد الدكتور محمد عبد العاطى إن الدولة المصرية بتعتمد على 97 % من مواردها المائية اللي بتيجي من بره حدودها شاملة المياه السطحية والجوفية، وده بيضاعف أي تأثيرات للتغيرات المناخية على مواردها المائية، وأكد إن العجز المائى للبلاد وصل لحوالي 90% بيتم تعويضه من خلال إعادة تدوير المياه واللي بيمثل 25% من الاستخدام الحالي.