بتصحى الصبح مش عايز تنزل شغلك وبتفكر إيه الحجة اللي هتقولها النهارده عشان تاخد إجازة؟ ده مش هيكون الوضع لو انت شغال في المقر الرئيسي لشركة ماونتن فيو في مصر، المبني على أساس علم السعادة اللي بيقوم على ٤ أعمدة اساسية "الروح، العقل، الجسم، القلب"، واللي ماونتين فيو مرضيتش إنه يكون ليها هي بس فقررت تبني وتأسس مجمع الأعمال Heartwork على مساحة ٣٨ فدان بطريقة تخدم الموظفين وتخليهم سعداء وبيشوفوا مساحات خضرا تفتح نفسهم على الشغل، المكان اللي اتبنى على قواعد علم السعادة هيساعد موظفين في أماكن مختلفة يحبوا شغلهم وينتجوا أكتر ويحققوا معدلات إنتاجية كبيرة ويصحوا الصبح متحمسين لشغلهم.

وانت في الشغل تقدر تختار تدخل الاوضة اللي بتغذي روحك وتبعد عن كل وسائل التكنولوجيا أو تلعب يوجا وتفصل من كل حاجة بتضايقك في العالم وترجع تاني تكمل يومك وانت عندك طاقة جديدة، أو تركب عجلة وتتمرن شوية وانت بتشتغل عشان تخلي جسمك نشيط وحاسس بالحيوية، أو تقعد في مساحة مفتوحة مع اصحابك في الشغل وتعمل علاقات اجتماعية تغذي قلبك، أو تركز في شغلك بطريقة مريحة وعقلك يبدع اكتر.

ماونتين فيو كمان عملت شراكة مع DH، والشراكة دي تمثلت إنهم عملوا أول مكتب ليهم في الشرق الأوسط، في نص المبنى بين كل اماكن الشغل اللي بيربط بينها ممرات ومسارات مشي ومساحات مفتوحة تحسسك بالانطلاق، عشان DH كانوا حريصين إن موظيفينهم يتمتعوا بكل مبادئ السعادة عشان يطلعوا كل الشغل بأحسن جودة ممكنة ويتبسطوا ويحافظوا على صحتهم النفسية.

المشروع عملته ماونتين فيو مع شركة "Delivering Happiness" وهي شركة أمريكية عالمية وظيفتها البحث في علم السعادة عشان تخلي الموظفين مبسوطين وراضيين وبيشتغلوا بمزاج.
مساحات خضرا، اماكن للتواصل الإجتماعي، مناطق للعب والترفيه، مساحات اكل، كل ده موجود في مجمع الأعمال Heartwork اللي هيخلي الموظفين سعداء وهينعكس على الشغل، عشان لو انت مبسوط هتبقى عايز الناس كلها مبسوطين، لو راضي هترضي العملا ومش هتشتكي من طلباتهم، وده هيخلي إنتاجية الشركة أكبر وأفضل.

ماونتين فيو مستنيين الشركات اللي بتحلم وبتطور وبتكبر عشان يكون عندها مكان خاص بيها جوه مجمع الأعمال Heartwork، من خلال 3 أنواع للوحدات والمباني عشان تلاءم كل الأعمال والميزانيات، الأولى HQ500 اللي فيها مباني ليها مدخل خاص ومساحة لركن السيارات بتبدأ من 200 متر مربع، والتانية HQ50 اللي فيها مساحات إدارية ومكاتب تبدأ من 55 متر مربع، وHQ5000 بمساحات مباني ضخمة تبدأ من 5000 متر مربع، عشان ماونتين فيو مهتمة بكل أنواع الأعمال والميزانيات المختلفة، عشان تخلق بيئة متوازنة بين الموظفين وأصحاب العمل.

.