كل يوم بنكتشف قد إيه إعادة التدوير بقت حاجة مهمة وأساسية لبقاء مجتماعتنا، الموضوع مابقاش رفاهية حقيقي. شركة مياه "أكوافينا" عارفين ده كويس ومهتمين بيه، وعشان كده تعاونوا مع شركة "أب فيوز" و "ستوديو كوجاك" وعملوا إعادة تدوير للأزايز المياه بتاعتهم اللي استخدمها الحضور في مهرجان الجونة السينمائي.

المفاجأة إن الأزايز البلاستيك المعاد تدويرها اتعمل منها فستان لبسته الفنانة التونسية درة. إعادة استخدام  الأزايز بالشكل ده بيفكرنا إن الأشياء اللي بنتخلص منها بيكون ليها حياة تانية بعد استخدامنا ليها، وإنها مسؤوليتنا إننا نكون بنستخدم الأشياء وبنتخلص منها بشكل مسؤول. 

ده ماكانش الظهور الوحيد لـ "أكوافينا" خلال مهرجان الجونة، لأنهم كمان كانوا موجودين بكرافتة مصنوعة من أزايز بلاستيك معاد تدويرها.