سنة 1949، في مصر الجديدة اللي كانت فاضية وقتها، اتعملت "حديقة الميريلاند"، ساعتها كان اسمها "نادي سباق الخيل"، وفي 1958 بعد الثورة، اتغير اسمها لـ "حديقة الميرلاند" وبقت فسحة كل العيلة، خصوصا بعد ما بقى فيها مكان للـ "الباتيناج". 

حديقة "الميريلاند" كان فيها بحيرة بط، لانشات تركبها وتتفسح بيها وأنت بتتفرج على جنينة الحيوانات المصغرة، كانت بتشتغل كل يوم من 8 الصبح لـ 5 مساءً، وطبعا تذكرتها كانت رخيصة. عدى وقت ووصلنا للتسعينات، الحديقة مكملة وبقت أحسن وأجمل، لما بقى فيها مطاعم عالمية ومنطقة ألعاب ومكان لعروض الدولفين وكلاب البحر، لو أنت من سكان مصر الجديدة مستحيل ماتكونش دخلتها، ولو أنت مش من هناك، فيمكن تكون حلمت تزورها في يوم من الأيام.

الحلو مايكملش أو مايدومش؛ اتقفلت الحديقة لأسباب كتير، واتحرمت مصر الجديدة من واحدة من أهم معالمها، حاجة تزعّل؟ طب واللي يرجعهالك؟ مش نكتة لأ، "الميريلاند" راجعة على إيد شركة "Magic dreams for development" اللي دخلت بتقلها وقررت تستثمر مشروعها الجديد "Merryland Arena" جوّه الحديقة، مشروع الشركة عنده نفس الهدف، إنهم يخلوا "الميريلاند" مكان راقي لكل العيلة، بس بشوية تطويرات. المشروع مكانه هو هو، عند شارع الحجاز في نص مصر الجديدة وعلى مساحة 50 فدان، تقدر توصل بسهولة وتلاقي ركنة لعربيتك. 

"Merryland Arena" مش شوية مساحات خضرا وجناين، فيه 6 فدادين هتلاقي فيهم أماكن للتسوق والفسح واللعب، وعلى مساحة 8000 م2 هيكون فيه أكبر بحيرة كريستال، وأكبر نافورة راقصة في مصر كلها، حاجة كده ماتلاقيهاش غير في دبي، وكل ده مع Spa وجيم وأماكن مميزة للأكل، عشان تقدر تقضي اليوم كله هناك وتتبسط، وتدخل الصبح ماتخرجش غير بالليل، والأهم تخرج مبسوط.

في وسط المساحات الخضرا وعلى البحيرة الكريستال، هتلاقي المطاعم والكافيهات من أكبر البراندات، الموضوع مهم للناس العادية اللي هتدخل تقضي يوم وتتبسط، بس مهم كمان لأصحاب البيزنس، يعني أنت مثلًا ممكن تأجر مطعم على مساحة 100-150 م2 متشطبة لوكس على المفتاح، مميزات إنك تاخد مكان في "Merryland Arena" مش بس المساحات الواسعة للمطاعم، لكن كمان التنوع، يعني هتلاقي أماكن مقفولة أو مفتوحة أو Rooftops، المطاعم دي هيكون ليها رخصة سياحية طول الـ24 ساعة، ومكان لركنة طيارين الديلفري، العقد هيكون مدته من 5 لـ7 سنين، مرضي يا أستاذ؟

شارع الأكل في "Merryland ِArena" هيكون فيه حاجات تانية، زي مساحة كبيرة بتوصل لـ 2000 م2 مخصصة لشاحنات الأكل أو الـ food truck، وده هيكون شكل جديد من أشكال الخدمة والأكل. بالنسبة للترفيه، عروض الدولفين راجعة تاني مع منطقة للألعاب، وعلشان المكان هيبقى كامل من مجاميعه، في سينما عمرك ما جربت زيها في مصر، وأماكن مخصصة للأطفال يجروا فيها من غير ما تخاف عليهم، ومساحة للاحتفالات والمسرحيات وحفلات الموسيقى للعيلة كلها، وماتخافش من الزحمة؛ في parking خاص بالمكان

اعرف أكتر عن "Merryland Arena" الجديدة من الفيسبوك وإنستجرام.