رغم المنافسة الموجودة دايمًا بين أبل وجوجل، إلا إن الشركتين هيعملوا صفقة مع بعض، هتكلف جوجل حوالي 3 مليار دولار تدفعها لأبل، علشان يفضل محرك البحث جوجل هو المحرك الرئيسي في أجهزة أبل، أيفون وآيبود. الخبر ده على عهدة مؤسسة بيرنشتاين الأمريكية، المتخصصة في مجال أبحاث السوق، واللي قالت كمان إن قيمة التعاقد زادت عن السنين اللي فاتت.

في 2014 و 2016 جوجل دفعت لأبل لنفس الغرض، بس اللي دفعته قبل كدة كان مليار دولار بس. المؤسسة توقعت إن جوجل هتبطل تدفع الفلوس دي لأبل لكن مستقبلا لسه مش دلوقتي، خصوصًا إن أبل هي اللي بتجيب لجوجل نص الدخل اللي بتحققه من عمليات البحث على الموبايلات.