"نقطني" ببساطة هو عبارة عن منصة إلكترونية بتساعد الناس المقبلين على الجواز، أسسها شاب مصري اسمه محمد قطب. نقطني هدفه إن الناس اللي تعرفهم ينقطوك ويسهلوا عليك تكاليف الجواز، كل اللي عليك تعمل أكونت على الموقع وتختار المناسبة اللي هتلم نقطتها سواء فرح أو خلفة أو عيد ميلاد.

ده بيحصل ازاي؟ لما تفتح الويب سايت هتلاقي منتجات كتير بتحتاجها لما تيجي تتجوز، علم على المنتجات اللي تعجبك وحطها في سلة المشتروات الإلكترونية بتاعتك. سلة المشتروات دي ليها لينك أونلاين، تاخد اللينك ده وتبعته لكل أصحابك على فيسبوك وانستجرام وواتساب.. إلخ.

أصحابك هيدخلوا على اللينك يلاقوا إنك محتاج حاجات بقيمة 10 آلاف جنيه مثلا، فيحطولك جيفت كارد ب100 جنيه مثلا أو 1000 أو أي رقم يقدروا عليه، أنت ونصيبك! ادخل على الموقع من هنا وجرب تلم نقطة لفرحك أو لو هتخلف قريب أو لو عيد ميلادك قرب.

الصورة المستخدمة من: AFP