مهرجان تري كور الفرنسي الدولي للأفلام القصيرة جدا، أعلن إن دورته رقم 22 هتتعمل في مصر والسعودية، وهتكون في الفترة من 5 وحتى 14 يونيو الجايين. في مصر فاعليات المهرجان هتكون في القاهرة والإسكندرية، وفاعليات السعودية هتكون في مدينة جدة. المهرجان مختص بالأفلام القصيرة جدًا اللي مدتها 4 دقايق.

المهرجان كمان أعلن فتح باب المشاركة في مسابقة VSFILM اللي بتتعمل على هامش المهرجان وأي حد يقدر يقدم فيلمه قبل 30 أبريل الجاي، أما التقديم في المسابقة الدولية لمهرجان تري كور فهيقفل يوم 14 فبراير الجاي. التقديم عن طريق اللينك من هنا.

مهرجان تري كور بدأ في فرنسا سنة 99 وهو واحد من أكبر المهرجانات السينمائية الدولية في العالم للأفلام القصيرة جدًا. دورة السنة دي هيشارك فيها 31 دولة والأفلام هتتعرض في 5 قارات في نفس الوقت.