MAD Solutions عملوا "شورتات الأوسكار"، استنى وهتفهم. شورتات الأوسكار عبارة عن برنامج سينمائي الأول من نوعه في الوطن العربي. البرنامج هدفه يعرض مجموعة من الأفلام العربية القصيرة اللي دخلت سباق جوايز الأوسكار، ويخليك تتفرج على الأفلام دي في السينمات، تحديدًا سينما زاوية. الحدث هيتم في زاوية يوم الحد 29 أكتوبر، وبالتعاون مع مواقع في "الفصلة" و "في الفن" كشركاء إعلاميين. البرنامج هيبدأ في مصر وبعد كدة هيتحرك لدول عربية تانية.

العروض هتضم 5 أفلام: "السلام عليك يا مريم" للمخرج باسل خليل، بيحكي عن 5 راهبات عايشين في ديز منعزل في الضفة الغربية.

"عيني" لـ أحمد صالح، بيتكلم عن مخاطر الحرب من منظور أطفال صغيرين.

"NOCTURNE IN BLACK" لـ جيمي كيروز والجفت، عن شاب سوري بيلعب بيانو أثناء الحرب الأهلية وبيكافح علشان يصلح البيانو بتاعه بدل ما اتدمر في هجمات إرهابية.

"الواوي، الذئب والصبي" لـ وليد مونّس، الفيلم ده تحديدًا وصل للقائمة القصيرة لجائزة أوسكار أفضل فيلم قصير في 2017، بيحكي عن أخين بيستخدموا بندقية والدهم بدون علمه.

آخر فيلم هو "بهية ومحمود" للمخرج زيد أبو حمدان، واللي كان بيمثل الأردن في المسابقة الرسمية للأوسكار. بعد "شورتات الأوسكار" هيكون في برنامج تاني اسمه "شورتات النجوم" وده عبارة عن أفلام قصيرة بطولة نجوم مشاهير في الوطن العربي وكسبت جوايز عالمية، لكن لسه ماتمش تحديد ميعاد انطلاقه.