نشرت مجلة حورس اللي بيتم توزيعها في طائرات مصر للطيران حوار مع الممثلة الأمريكية Drew-Barrymore واتكلموا فيه عن علاقاتها المتعددة وجوازتها وطلاق والديها وهي عندها 9 سنين، لكن المحلل السياسي الأمريكي آدم بارون قال إن الحوار ده سريالي ومش حقيقي.

This interview with Drew Barrymore in the Egypt Air in flight magazine is, umm, surreal. pic.twitter.com/fN3lNHXbL0

— Adam Baron (@adammbaron) October 2, 2018

مصر للطيران ردت وقالت إن الحوار عملته "عايدة تكلا" وهي الرئيسة السابقة لرابطة الصحافة الأجنبية في هوليوود، وإحدى أعضاء لجنة التصويت بالجولدن جلوب، لكن في نفس الوقت وصفته الديلي ميل الحوار إنه "غريب"، والهاف بوست الأمريكية قالت إن الممثلة معملتش الحوار ده ابدًا.

الحوار بيبدأ بمقدمة كتبتها الصحفية عن علاقات Drew-Barrymore "الفاشلة" زي ما وصفتها، وسألت الممثلة الأمريكية: "قبل بعض سنوات، وبعد آخر عمل لكِ، اكتسبت عدة كيلوغرامات، حتى أن جمهورك اتهمك بالبدانة وإهمال صحتك" واعتبر الناس إن السؤال ده فج، لكن جاوبت الممثلة الأمريكية انها بتتبسط لما حد يقولها انها خست، واتكلمت عن رعايتها لبناتها وازاي بتهتم بيهم.