"بدك عروس صغيرة، طلبك عنا" دي الجملة اللي اتصدرت إعلانات لبنانية كانت بتتوزع في الشوارع وعلى مواقع التواصل الاجتماعي معاها صور لفتيات صغيرين ومكتوب عليها "الجوازة عبكير أحسن بكتير"، اللبنانيين أتصدموا خصوصًا لما شافوا حساب انستجرام اسمه "young 3arous" أو "عروس صغيرة" ومعاه رقم تليفون.

مع الريبورتات على الاكونت ده والإعلانات اتمسحت في 24 ساعة، لكن التجمع النسائي الديمقراطي اللبناني قال إن دي حملة توعية ضد زواج القاصرات وإن صور البنات دي من Shutterstock ولما تدوس على صورتهم بيحكيلك قصص بنات ارغموا على الزواج في سن صغير، خصوصًا إن لبنان مفيهاش قانون بيجرم الزواج قبل 18 سنة، وبيطالب أصحاب الحملة تغيير القانون اللبناني من خلال توقيع عريضة فيها المطلب ده. الموقع لسه موجود وبنفس اسمه ومستمر في مطالبه.

الصورة الرئيسية من زفاف مزيف أقيم في لبنان للتوعية ضد زواج القاصرات.