أطلقت وزارة التضامن الاجتماعي مشروعها للحد من الزيادة السكانية تحت شعار "اتنين كفاية" عشان تشجع الناس يخلفوا طفلين بس، هيستدف المستفيدات من برنامج الدعم النقدي المشروط وعددهم 1.1 مليون ست تحت سن 40 سنة.

المشروع هيتنفذ في 10 محافظات هي الأكثر فقرًا والأعلى خصوبة في مصر، وتكلفته هتوصل 100 مليون جنيه، يتحمل صندوق إعانة الجمعيات بوزارة التضامن الاجتماعي 90 مليون والباقي منحة من صندوق الامم المتحدة للسكان.

المشروع كمان هيكون فيه 342 ألف زيارة طرق أبواب السنة دي لعمل توعية مباشرة، ضمن 4 مليون زيارة خلال مدة تنفيذ المشروع كلها، وهيعمل حوالي 408 ندوة ضمن 4896 ندوة خلال مدة المشروع، وهيتم تنفيذ كل حاجة من خلال 100 جمعية تم تقييمها من خلال الوزارة.