صحيفة "تلجراف"، نشرت إن دلوقتي الفيسبوك هينبِّهك لو حد نشر صورتك عليه من غير ما ياخد موافقتك، عن طريق خاصية التعرف على الوجه، عشان يقللوا حالات انتحال الشخصية. الخاصية هتحلل وحدات البيكسل في الصورة بعد ما تحطها أنت على الموقع أول مرَّة، ولو اتحملت تاني من حساب مختلف، فيسبوك هيعرف إن دي عملية انتحال شخصية، وهيبلغ صاحب الصورة الأصلي اللي رفعها الأول.

وقالت الشركة فى بيان ليها إن الخاصية هتبقى اختيارية للسماح للأشخاص بحماية خصوصياتهم وصورهم.