الرئاسة العامة لهيئة الأمر بالمعروف والنهي عن المنكر، في المملكة العربية السعودية، نشرت إحصائية عن جرايم الابتزاز في المملكة، الإحصائية بتقول إن 85% من اللي بيتعرضوا لابتزاز في السعودية، بيكون سنهم ما بين 16 ل 30 سنة، 33% منهم بيكونوا 21 ل 25 سنة. الدراسة موجودة في كتاب عملته الهيئة بعنوان "جريمة الابتزاز".     

حسب الإحصائية، 58% من الضحايا بيكونوا عزاب، و26% ناس متجوزة، وبعدين في المطلقات والمخطوبات والأرامل، كمان 41% من الضحايا كانوا طالبات في المرحلة الثانوية، و40% من المرحلة الجامعية. المبتزين اتركزت طلباتهم على الجنس قبل حتى الفلوس، فتلاقي إن 74% منهم طلبوا من الضحايا طلبات جنسية، و14% مطالب مالية، وفي حاجات تانية نسبتها أقل، زي التنازل عن مبالغ مالية أو قضايا أو التنازل عن مهر أو مؤخر.