"ليندسي لوهان" أعلنت خلال برنامج  The Wendy Williams Show، إنها هتمثل فيلم Frame في السعودية، بيحكي قصة مصوِّرة سابت جوزها في أمريكا عشان تعيش في الرياض، هناك بقى هتتعرف على مجموعة ستات هيعرَّفوها على شكل حياة السعوديات. ولحد دلوقتي مافيش تفاصيل تانية عن الفيلم.

في شهر ديسمبر نشرت "لوهان" مقال على تويتر عن الإصلاحات اللي بتحصل في السعودية ورجوع السينما، وطالبت الناس بتأييد القرار". الممثلة اللي عندها 31 سنة، بتفكَّر في تأسيس جزيرة خاصة بيها في دبي، وفي خلال اللقاء قالت "أنا روحت جزر كتير، بدأت أفكر بقى في بناء جزيرة خاصة بيّا."