مصر اختارت فيلم "الشيخ جاكسون" علشان يمثلها في الأوسكار، بأغلبية تصويت أعضاء اللجنة بعد تنافس مع فيلم "مولانا"، لكن الإمارات تقريبًا فرحت بالخبر ده، فبعد ما رشحت "مولانا" لجوائز جمعية الصحافة الأجنبية هوليود "الجولدن جلوب"، موقع "إعلام دوت أورج" بيقول إنها هترشح الفيلم للأوسكار كمان علشان يمثل البلد.

السؤال اللي يجي في بال أي حد: ازاي الفيلم يترشح لتمثيل الإمارات وهو مصري؟ لكن فيه شركة إنتاج إماراتية مشاركة في الفيلم، والفيلم اتعرض في البلد اللي هترشحه، وهي دي شروط ترشيح الأوسكار.