المدير التنفيذي لصندوق تحيا مصر قال في مداخلة مع الإعلامي تامر أمين، في برنامج الحياة اليوم، إن حجم تبرعات المصريين لأسر شهداء ومصابين حادث الروضة وصلت لـ١٧ مليون جنيه خلال ٣ أيام، ووضح إن حجم الدعم ماتحددش لحد دلوقتي، لإن الجالية المصرية في النمسا مستعدة تقدم تبرعات كبيرة جداً لتطوير المستشفيات، والجالية في نيويورك عملت فاعليات يوم الاتنين بالملابس السوداء عشان يجمعوا تبرعات لمساندة أهالي سيناء.

التبرعات بتتحول على حساب صندوق تحيا مصر اللي رقمه 037037 فرع الكوارث، لصالح قرية الروضة، قال كمان إن في مؤسسة اتبرعت بسيارتين إطفاء للقرية في بئر عبد، بعد ما اكتشفوا إن القرية مافهياش مركز إطفاء.