دبي كانت المكان اللي اتعمل فيه أغلى "تورتاية في العالم". بنت بريطانية عملت تصميم لكعكة، شبه فستان الفرح وكمان بالحجم الطبيعي لفستان الفرح، أول ما تشوفها مش هتبقى عارف ازاي دي تورتاية أصلا، بس أهو ده اللي حصل. صحيفة ميرور البريطانية، قالت إن البنت واسمها ديبي وينغهام، عملت التورتاية في فندق رافلز في دبي وكلفتها مليون دولار.

التصميم أخد من صاحبته 10 أيام، وساعدها فريق الطباخين بتوع الفندق، ووصل وزنها لأكتر من 100 كيلو غرام. التورتاية فيها 5 قطع ماس أبيض نقي، تمنه 203436٫42 دولار، وكمان فيها 1000 قطعة لؤلؤ وأحجار كريمة. الكعكة استخدموا فيها 1000 بيضة و25 كيلو شيكولاتة، بألف هنا.