"مش عايز أهوب" دي الجملة اللي كان بيقولها أحمد حلمي عشان خايف ينط من الطيارة بالبارشوت ويشوف جمال الطبيعة، الجديد بقى إنك قريب هتقدر تنط من الطيارة وتشوف منطقة الأهرامات كلها وأنت طاير في الهوا. 

شركة Sky Sports EG بالتعاون مع Egyptian Parachuting و Air sports Federation هينظموا أول مهرجان للرياضات الجوية في مصر. 

المهرجان ده هيديك فرصة إنك تطير فوق الأهرامات وتشوف كل حاجة من فوق بعين جديدة، الموضوع ده بيشمل التنقل من المطار وجولات سياحية لو مش مصري، المهرجان ده هيكون فيه كمان أكبر علم مصري عشان يتم تسجيله في موسوعة جينيس. 

المهرجان هيكون في الفترة من 25 لـ29 أبريل 2018، وكل أسعاره وتفاصيله هتلاقيها على الإيفنت ده، لو أنت مصري هتدفع 60 دولار يعني حوالي ألف جنيه، مش خسارة في الأهرامات!