الدكتور علي جمعة، مفتي الجمهورية السابق، قال خلال حواره في برنامج "والله أعلم"، على قناة "سي بي سي"، إن أغلبية الملاحدة ليسوا كفارًا بالله، "بس زعلانين منه شوية"، وقال إن اليهود مغضوب عليهم لإنهم عارفين الحق، لكن بيحيدوا عنه، وقال كمان إن سر عداء اليهود للإسلام، إنهم كانوا عايزين يكون النبي محمد "صلى الله عليه وسلم" من بني إسرائيل مش من بني إسماعيل، عشان كده زعلانين من ربنا، بس هم هيحاسبوه؟!"

دي مش أول مرة الدكتور علي جمعة يستخدم التعبير ده مع الملحدين، قال برضه ده السنة اللي فاتت، في حواره مع طلبة جمعة القاهرة، ساعتها قال إن في حوالي 12.5 ٪ من الشباب ملحد، لكنهم مش ملحدين حقيقين، 10٪ زعلانين من ربنا، وحكى قصة شاب منهم قاله إنه زعلان من ربنا عشان موت أخوه.