فيلم الأنيميشان The Prince of Egypt اللي تم إنتاجه سنة 1998 تم معالجته عشان يتعرض كعمل مسرحي في مسرح The Mountain View Center for the Performing Arts في كاليفورنيا لحد يوم 5 نوفمبر، وبعد ما يتم معالجته وتطويره بشكل أكبر من قبل المُلحن Stephen Schwartz والكاتب Phillip LaZebink هيبدأ عرضه في الدنمارك بدايةً من السنة اللي جاية.

الفيلم بيتناول اضطهاد فرعون مصر لليهود، وازاي موسى قاد قومه لأرض الميعاد ووقع في الحب، طبعًا سنة 1998 ماتعرضش في مصر. من الجدير بالذكر إن واحدة من أغاني الفيلم -الموسيقي بالأساس- فازت بالأوسكار! تقدروا تسمعوا الأغنية من هنا: 

الإنتاج المسرحي حاليًا مشترك بين مسرح ماونتن فيو ومسرح فرديريكيا والمفاجأة إن نفس فريق إنتاجه كفيلم سينمائي هما الأساس ورا تحويله عمل مسرحي. هيقوم Diluckshan Jeyaratnam بدور النبي موسى جنب نجوم كتير زي Christina Sajous وJason Gotay و. Tom Nelis شكرًا للتقدم في مجال الديكورات اللي هيتيح للجمهور الفُرجة على مجسمات للبحر والمعابد الفرعونية المصرية وغيرها.